Mesa redonda en Vigo: as agresións ambientais na ría

Os elevados niveis de contaminación da Ría de Vigo, unidos ó alarmante proceso de destrución da paisaxe e da natureza no seu litoral, constitúen a principal preocupación e a razón de ser desta rede de colectivos que chamamos A RÍA NON SE VENDE

A constante construción de recheos, portos deportivos, peiraos e outras modificacións artificiais da costa, están producindo un grave dano ao delicado equilibrio ecolóxico da Ría, poñendo en perigo a súa extraordinaria riqueza e diversidade biolóxica. Significan tamén, polo tanto, un grave risco para o noso principal recurso natural: a riqueza marisqueira e pesqueira do Mar de Vigo.

Foi esta fonda preocupación a que nos moveu a buscar a presencia de técnicos, profesores e xentes do mar para reunilos en torno a unha mesa co obxecto de intercambiar opinións, ideas e coñecementos na percura das urxentes solucións que nestes momentos difíciles a Ría necesita.

O acto servirá tamén como presentación da MANIFESTACIÓN Que baixo o lema

Massó, Bouzas, Areal, Teis, Chapela…

OS RECHEOS MATAN Á RÍA

Terá lugar en Vigo o próximo sábado

14 de novembro ás 19:00 horas

Desde a Praza dos Cabalos (Gran Vía)

á Praza da Estrela (Autoridade Portuaria)

Convoca: A RÍA NON SE VENDE
Apoian: PLATAFORMA EN DEFENSA DA ENSEADA SAN SIMÓN E CONFRARIA DE MAIÑEIROS DE CANGAS.