Bos resultados no testing organizado por Verdegaia, S.O.S. Courel e Insectarium Virtual no Courel
O pasado fin de semana as asociacións Verdegaia, S.O.S. Courel e Insectarium Virtual organizaron un testing de biodiversidade na Serra do Courel con bos resultados á hora de valorar a biodiversidade existente no Courel e de participación xa que se tiraron centos de fotografías dixitais da abundante e valiosa fauna e flora do Courel. Na actividade participaron arredor de cincuenta persoas.
Unha xornada de testing consiste en agrupar a un grande número de persoas para que nunha zona establecida tomen o maior número de fotos dixitais. Durante todo o traxecto vanse facendo fotos da flora e a fauna. Posteriormente un grupo formado por máis de 100 expertos vai a categorizar a información para clasificala e catalogala. A idea é involucrar o maior número de xente na criación dunha base de datos con tódalas especies presentes na zona.
A actividade en si comezou o día seis pola mañá cando @s participantes se dividiron en grupos para realizar catro roteiros simultáneos: 1. O Courel de influencia Atlántica na Devesa da Rogueira co itinerario Alto do Couto-As Augas-Moreda. 2. O Courel de influencia Mediterránea co itinerario Froxán, Vilar-Vilamor. 3. O río Pequeño co itinerario Paderne-Seoane. 4. Val das Mouras. En cada unha destas rutas tomáronse fotos que ilustran o observado pol@s diferentes participantes e que serían expostas, en parte, o día sete á mañá nunha colectiva mesa redonda fotográfica onde se puxeron en común as observacións do día anterior. En próximas datas, as especies fotografadas irán sendo identificadas e catalogadas para servir como recurso de cara a correcta protección desta valiosísima serra lucense.
Dende Verdegaia queremos apoiar este tipo de iniciativas en defensa e na posta en valor dos valores ecolóxicos do Courel fronte ás ameazas da industria mineira pizarreira que se cernen sobre este espazo.
Escribimos otra historia natural
…Pero caminando por las orillas del Lor pensaba si alguno ya habrá empezado otra historia natural, esta vez la de las atrocidades sobre territorios especiales de este planeta.
http://comunisfera.blogspot.com/2008/10/escribimos-otra-historia-natural.html