Colaboración entre a Universidade de Compostela e a firma Picobello Andalucita, S.L.

 Ao igual que sucedeu co algo artificial de Endesa n’As Pontes, Picobello Andalucita S.L. apóiase na USC para conseguir os permisos medioambientais

A empresa Picobello Andalucita, S.L. solicitou á Secretaría Xeral de Calidade e Avaliación Ambiental un informe de impacto ambiental que avalase favorablemente  a mina de andalucita que esta empresa quere abrir no concello d’As Pontes. Para conseguilo os responsables da firma de capital anglo-surafricano presentaron un estudo de impacto ambiental (EsIA) a medida dos intereses da empresa. Este informe foi aceptado pola propia consellaría de Economía e Industria e, en base aos datos nel recollidos, resolveu facer público o preceptivo Informe de Impacto Ambiental que permitirá á empresa conseguir a autorizaciòn definitiva para comezar a explotación da mina.

 

O informe que presentou a empresas foi elaborado polo Instituto de Investigacións Tecnolóxicas da Universidade de Santiago de Compostela. O documento leva por título “Estudo de Avaliación Ambiental do área afectada pola mina de andalucita de Picobello e o seu entorno”. O profersor encargado de dito estudo foi Felipe Macias Vázquez e o custo fixado pola propia Universidade foi de 9.333,33 euros.

 

Hai que salientar que o proxecto de lago artificial que Endesa está a deseñar n’As Pontes tivo un proceso parecido ao da mina de andalucita. En ámbolos dous casos a Xunta de Galiza emitíu os informes favorables en base a estudos presentados polas propias empresas en lugar de elaborar informes independentes elaborados polos servizos técnicos da Xunta de Galiza. E tamén en ámbolos dous casos as empresas botaron man de cadanseu estudo realizado polo pofesor Felipe Macías Vázquez.

 

Para os que nunca entenderon a tan pregoada apertura da Universidade á empresa privada, teñen aquí o mellor expoñente de dita colaboración.

6 Comments

  1. Chámase cazo

  2. Amigos meus, a pesares de non ter lido ese informe, nen coñecer este caso en concreto, dubido moito que Felipe Macias poña en xogo o seu prestixio e reputación por 9.333,33 euros.

  3. E no que a apertura da Universidade a empresa privada, creo que todo o mundo coñece casos de estos casos de “apertura”, empregando medios (humanos -refírome a becarios, xente facendo tesis, tesina, proxecto fin de carreira- e materiais) proporcionados pola Universidade.

  4. se o amigo willie non coñece o caso, qué lle fai supoñer que o señor Macías teña un prestixio académico que defender? Dadas as circuntancias é máis lóxico supoñer que ten unha conta de gastos á que atender. O informe de impacto ambiental sobre o lago das Pontes que elaborou este prestixioso científico tampouco ten desperdicio. Minimizaba ata o absurdo os problemas ambientais que xeraría a construcción do lago. Pero era aínda máis interesante a análise que facía sobre o impacto que a obra tería sobre a opinión pública. Técnicos coma éste pódense calificar sen problema algún de mercenarios.

  5. Os 9.333,33 euros poden ser a parte visible do Iceberg. Claro que a universidade realiza traballos para as empresas e claro que eses traballos son rtemunerados en cuantías públicas. Pero o que se coce por detrás, só eles o saben. Se eu fose empresario non me atrevería a encargar un inofrme semellante se nates non se me desen garantías de obtrer o resultado que eu busco. E esas garantías moi ben poden ser acordadas en privado

  6. 1.9.000 euros non é pouca cantidad por unha ducia de folios onde se enchen os ocos dunha plantilla.

    2.9.000 euros por empresa, se hai digamos 50 empresas interesadas, é bastante.

    3.Por detrás sempre se pode dar máis.

    4.A Universidade anda escasa de fondos.

    5.O pulo a este tipo de “Pseudodepartamentos” de investigacións á carta é constante. É máis importante investigar a saída ao mercado do kiwi en almíbar ou facer gañar cartos a Gamesa que investigar de verdade.

    6.A comunidade científica sabe distinguir entre científicos e asalariados de empresa. Véxase o caso do cambio climático. Aquí non hai ninguén que comprometa a súa reputación investigadora porque nin sequera son investigadores.

Leave a Comment

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.