GNSV enche de vida a Quintana dos Mortos

Milleiros de persoas chegadas de toda Galiza convertiron a praza da Quintana nun escenario dende o que se clamou pola vida. A vida dos nosos mares e da nosa terra. A vida da nosa xente, dos coetáneos e dos vindeiros. Un berro que advirte aos gobernantes que non hai diñeiro suficiente para mercar o mellor patrimonio dos galegos. Que a dignidade non ten prezo. Escribía García Lorca que na Quintana dos mortos bailaba a triste lúa coronada de toxos. Hoxe foi o sol o que alumeou un acto no que se reivindicou a comunión do home co seu entorno.

O pasado ano tivo lugar en Compostela outra manifestación de GNSV que conseguíu reunir a 10.000 persoas. Naquel intre os problemas mais denunciados polos manifestantes foron os que ameazaban convertir o litoral, as rías galega, os lugares protexidos como o Courel, ou mesmo a Terra Chá, en suculentos negocios para multinacionais máis interesadas en esquilmar a riqueza desta terra que evitar o empobrecimento dos galegos. A pesar dese clamor popular en defensa dun hábitat respectuoso co medio ambiente e garante de fonte de riqueza para os galegos, o goberno non modificou un ápice a súa política de beneficiar ás grandes empresas enerxéticas, acuícolas, mineiras e inmobiliarias.

Esta actitude desdeñosa dos nosos gobernantes cara ás xustas reivindicacións da sociedade galega propiciou que hoxe esta tivese que tomar de novo as rúas de Compostela para demandar dunha vez  por todas un cambio de rumbo. A resposta dos galegos foi inequívoca e xa non se poden expoñer razóns de interese  xeral para seguir vendendo ao capital o que é dos galegos.

Ao final do traxecto, despois de percorrer o admirábel casco histórico de Compostela, nas mesmas escaleiras da praza que simbolizan a liña divisoria entre  a Quintana dos mortos e a dos vivos, foi lido un manifesto consensuado pola totalidade das asociacións convocantes da mobilización. Nel se incidía nas nefastas políticas ambientais que devastan os recursos naturais de Galiza e alimentan unha orde social inxusta e insustentábel.

 

TEXTO ÍNTEGRO DO COMUNICADO LIDO NA PRAZA DA QUINTANA AO REMATE DA MANIFESTACIÓN DE GALIZA NON SE VENDE O 15/02/09

 

Compañeiras e compañeiros:

Volvemos hoxe aquí, un ano despois da última cita, porque sobran os motivos.

As persoas que berramos GALIZA NON SE VENDE expresamos a nosa máis enérxica protesta ante o panorama que deixa este goberno disfrazado de progresista coas súas políticas ambientais e sociais que están destruíndo os recursos naturais de Galiza, a súa biodiversidade e o seu patrimonio humano e cultural. Políticas ambientais e sociais que significan a continuación das de gobernos anteriores no triste camiño de entregar o país ás grandes empresas multinacionais e ós grandes intereses económicos, utilizando o gasto público para alimentar este obsoleto e inxusto modelo económico e social.

Políticas que, xordas e cegas diante das fondas crises económica, enerxética e ambiental que vivimos, pretenden seguir, como se nada pasara, na senda imposible do “crecemento económico continuado e ilimitado”. Na trastornada senda de destruír máis, para producir máis, para consumir máis.

A lista dos obxectivos e puntos de denuncia é, por desgraza, longa e variada. Céntranse no corazón magoado da nosa realidade natural e social:

Denunciamos o esquecemento interesado das persoas máis necesitadas economicamente, por falta de políticas verdadeiramente sociais.

Denunciamos o proceso de marbellización do noso litoral. Especulación, recheos agresivos e paseos de formigón. Niveis de contaminación das nosas rías que as fan incompatíbeis coa pesca e o marisqueo. Un Plano de Portos Deportivos que pretende multiplicar por catro os que xa existen, enmascarando urbanizacións e apropiación privada do litoral, buscando tan só un bo negocio a conta da nosa costa.

Denunciamos un Plano Acuícola devastador das zonas mellor conservadas do litoral para proveito das empresas transnacionais. Un plano acuícola que ameaza Corrubedo, Quilmas, Corcubión, Merexo, Camelle, Arou, Seráns, Oia, Lira, Camariñas, Muros,  Malpica, Valdoviño, Ribadeo… e até 12 lugares máis.

Denunciamos un Plano Eólico caótico que non ten en conta áreas de alto valor ecolóxico, arqueolóxico, nin as zonas protexidas, que agasalla cos nosos montes ás compañias privadas de electricidade: Serra da Groba, Serra do Xistral, Serra de Careón, Serra do Suído, Os Ancares e tantos outros lugares que nos queren encher de tarabelas

Denunciamos un Plano da Minaría, que é un triste modelo de espoliación do territorio, zonas de grande riqueza natural roídas pola cobiza: A Serra do Courel, a Terra Cha e moitas outras comarcas da Galiza.

Todos estes planos e desfeitas camúflanse baixo a mentireira cantinela da suposta creación de postos de traballo. Unha conta que só cuantifica os que se crean e nunca ten en conta os que se destrúen, tanto na pesca e no marisqueo, como na agricultura, na pequena industria, no comercio tradicional ou no turismo rural e cultural.

Defendemos a pesca artesanal, totalmente desamparada no camiño programado cara a súa extinción.

Denunciamos a continuidade do modelo de concentracións parcelarias destrutoras de áreas de valor ambiental, agrícola e paisaxístico, que afondan nun modelo de agricultura industrial e insostible.

Esiximos medidas que eviten o progresivo abandono do rural e do agro, que nos fai ser dependentes, tendo que importar os productos máis básicos e, pola contra, fomenta a introdución dos perigosos transxénicos e dos cultivos enerxéticos.

Os nosos ríos están completamente contaminados e a degradación e sobre-explotación hidroeléctrica está matando a súa biodiversidade. Os vertidos aos ríos Umia, Tambre, Sar, Gallo, Alvedosa, Lagares, Lengüelle ou o desastre do Xallas, son só algúns exemplos

Os nosos montes están sufrindo un proceso de eucaliptización total, acabando coa biodiversidade autóctona, para beneficio exclusivo das celulosas. Un proceso estreitamente ligado aos incendios forestais que xera maior vulnerabilidade perante temporais como os que acabamos de padecer.

Industrias nocivas e perigosas espállanse por todo o país, como Reganosa, Ence, ou o proxecto de Parque de Residuos no Ribeiro…

Denunciamos os lagos artificiais d´As Pontes e Meirama polo perigoso impacto ambiental e social e denunciamos o posible traslado de Ence á localidade d´As Pontes.

Sufrimos un sistema de transportes que fomenta o uso do vehículo privado, significa a continua construción de carísimas autovías e supón un forte e irreversible impacto no territorio. Un sistema que nunca resolve definitivamente o problema da saturación do tráfico senón que o acrecenta. O Plano de Estradas de Galicia ou o Vigo Íntegra son bos exemplos de malgasto do diñeiro público na perpetuación dun sistema obsoleto e ineficaz, que leva aparellado o abandono do transporte público, terrestre, marítimo e ferroviario.

O golpe de gracia á nosa pobre rede de ferrocarril ven agora da man do AVE, que vai significar o peche de ducias de estacións e o desmantelamento do precario sistema de trens de proximidade, en aras dun negocio destrutor do territorio, elitista e enerxeticamente insustentábel.

A legalidade urbanística, ambiental e de patrimonio son sistemática e impunemente vulneradas coa complicidade das distintas administracións, cando non pola súa propia actuación e iniciativa. Os cascos vellos das vilas e cidades, o noso patrimonio histórico, arqueolóxico e natural son presa da destrución máis feroz, incluso os espazos que supostamente están protexidos.

Proliferación de parques industriais desproporcionados e sen planificación; directrices de ordenación do territorio simplistas e de óptica meramente urbana; proxectos de áreas metropolitanas impactantes e centralizadoras, como as de Coruña-Ferrol ou Vigo-Pontevedra; urbanismo masificador e salvaxe, campos de golf, depuradoras inoperantes, tratamento de residuos ineficaz baseado na incineración contaminante e tantas cousas máis…

As persoas que berramos GALIZA NON SE VENDE expresamos as nosas ganas de vivir e de recuperar e potenciar os espazos e coñecementos que nos serviron durante séculos, para que nós e as persoas que veñan despois teñamos un futuro garantido.

Nós sabemos que a Terra non nos pertence, senón que somos nós os que lle pertencemos á Terra“. (1)

Por iso non a podemos vender.

Pertencemos a unha terra antiga, montuosa e delicada, humanizada de xeito sustentable ao longo de séculos. Unha terra onde case cada lugar tivo e ten utilidade material e significado vital e que leva asociado, polo tanto, un importante patrimonio cultural, histórico, arqueolóxico e etnográfico. E un importante patrimonio inmaterial que está inserido na conciencia colectiva do País.

“Nós sabemos que o ser humano non creou o tecido da vida, senón que é tan só un fío del. E aquilo que fagamos a ese tecido farémonolo tamén a nós“.(1)

As persoas que berramos GALIZA NON SE VENDE temos moi claro que non imos quedar indiferentes ante falsos discursos de cidadanías e democracias cando se nos criminaliza por ser cidadás e cidadáns e expresar o que pensamos. Non imos quedar indiferentes ante discursos que baleiran de contido as palabras, e agochan detrás actuacións cheas de parcialidade.

Como se pode comprar o azul do ceo ou a calor da terra? Quen pode vender o vento, as ondas do mar ou a luz do mencer? O ser humano non pode posuír a terra, como tampouco pode ser amo do ceo, do frescor do aire ou do brillo da auga. Nós somos unha parte da Terra, e ela é unha parte de nós”.(1)

Por iso estamos aquí, para amosar que aínda mantemos intacta a nosa dignidade de pobo que non quere morrer. Para defender a paisaxe, a natureza, a Terra, a nosa identidade e a nosa forma de vida. Para reclamar o noso dereito a unha terra viva e a unha vida digna.

Para berrar unha vez máis, con voz unánime, forte e clara:

GOBERNE QUEN GOBERNE, GALIZA NON SE VENDE

Compostela, 15 de febreiro de 2009

__________________________

(1) “Nosaltres som una part de la terra” Mensaxe do Gran Xefe Seattle ao presidente dos Estados Unidos de América no ano 1855. J.J. Olañeta, editor. Palma de Mallorca 2002.

__________________________

 Fotos da manifestación (Algunhas cedidas por Angel Souto)

 Europa Press: Máis de 3.000 persoas maniféstanse con “Galiza non se vende” para reclamar “dereito á terra viva e vida digna”

A Nosa Terra:  Perto de 5.000 persoas encheron a Praza da Quintana esta mañá, na manifestación convocada pola plataforma ‘Galiza non se Vende’, integrada por máis de cincuenta colectivos.

El País: O desfile dos desencantados

Galicia-Hoxe: Galiza non se vende avisa ó Bipartito: “Eu non son Anxo Quintana, eu non son Pérez Touriño”

GzVideos

5 Comentarios

  1. Deu gusto ver onte a milleiros de galegos a se rebelaren contra a usurpación partidocrática da soberanía do pobo que fan tanto os uns coma os outros. Parabéns, galegos! Porque o voso pobo non cala… Esperemos que chegue logo o día en que sexa tamén que se goberne a si mesmo sen partidos.

  2. O sorriso inquietante dos que habitan os simulacros .
    O consumidor que no es capaz de existir doutro xeito.
    No hai nada mais subversivo que dicir o que o eu pensa
    Aliméntome do ar dos tempos
    Estamos perto de tantas cosas que non vemos!
    No silencio privado onde ocorre todo
    No lostrego do espectáculo onde nunca pasa nada
    Nas formas sen vida a que nos condenamos
    No melodrama da separación
    – detestámonos todos-
    Na obesidade mórbida diante do televisor
    Nos falsos decorados das metrópoles capitalistas
    Ante los escaparates, los escaparates y los escaparates
    Mobilización xeral: traballo e circulación mercantil
    Sempre novos, coma se xa estivéramos mortos.
    A non-pertenza da alienación
    A democracia se concentra nas mans dos seus representantes

  3. Es cierto, hay un” misterio”en la Plaza de la Quintana pues según quienes se manifiesten se “encoge” o se “amplia”.
    Así, en esta manifestación donde prácticamente se llenó la plaza, todos los periódicos del “régimen” fuertemente subvencionados por la Xunta dicen al unísono que sólo había 3000 maifestantes o más de 3000, basándose, según ellos, en datos de la policía local que calculaba de 3.300 a 5000 los asistentes (casualmente seleccionan la cantidad más baja).
    Lo “estraño” es que cuando hace poco hubo la manifestación contra el genocidio de Gaza,no había menos gente y reconocían 15.000 personas que es la capacidad real reconocida de esa plaza y algunos medios reconocieron esa cantidad, incluso alguno independiente, 20.ooo personas en la manifestación de GALIZA NON SE VENDE anterior, pues varios miles de personas quedaron fuera de esa plaza,y, algunos, no olvidamos como en la escalinata (que no se ocupan en otras manifestaciones) estábamos como “sardinas en lata”.
    ¡MENOS MAL QUE HAY FOTOS Y VIDEOS DONDE CUALQUIERA PUEDE COMPROBAR LA ASISTENCIA REAL O APROXIMADA Y CÓMO MIENTEN LOS PERIODISTAS!
    Pero lo que pocos saben es que el mismo día (“casualmente”) el presidente del gobierno, Sr. Zapatero, dirigía otra “manifestación”
    en el palacio municipal de deportes que tiene una capacidad de 3.500 personas con el objetivo de apoyar al Sr. Touriño, (el presidente declarado por el mismo antes de que el pueblo lo elija) y la misma VOZ DE GALICIA comenta que un tercio del palacio estaba cubierto de lonas negras y que había lugares o zonas vacías, es decir, que no arrasó como en otras ocasiones. Pues bien, teniendo en cuenta que la manifestación del pueblo en defensa del litoral y territorio así como de unas verdaderas políticas sociales, teniendo en cuenta especialmente a los desfavorecidos reunió más gente que la de Zapatero en A Coruña donde también asistía gente de toda Galicia, y con casi todo en contra ( menos el tiempo) pues no sólo los periódicos sino también las radios y televisiones no anunciaron ni un día antes ni el mismo día esa manifestación, ni hablaron o debatieron los temas denunciados, en el casco de Santiago se prohibía colocar, casualmente , los carteles de esa manifestación (no los de otro tipo) a pesar de respetar escrupulosamente el patrimonio ( al alcalde no se le ocurre poner paneles en varios puntos clave como zonas de libre expresión como sucede en botras ciudades)….podemos concluir que esta manifestación fue un éxito rotundo, que lo que menos importa es la cifra exacta de participantes sino que ese día Santiago fue una “fiesta” , un día de dignidad del pueblo gallego que luchó contra los caciques de antes y que ahora lucha contra los “nuevos caciques”.

  4. LO EXTRAÑO ( perdonen por la falta anterior)ES QUE LA CLASE POLÍTICA ,EN GENERAL ,´NO SE HAYA DADO CUENTA DE LA MAGIA DE LA PLAZA DE LA QUINTANA QUE SIEMPRE REÚNE LO MÁS VIVO DE GALICIA.

  5. despois do resultado das eleccions me temo a Galiza estará en liquidación

Trackbacks/Pingbacks

  1. Isca » Manifestación de Galiza Non se Vende - [...] Podes ler a crónica e o manifesto lido ao remato da manifestación na web de Galiza Non se Vende…
  2. Galiza Non Se Vende » Blog Archive » Delirio? Habelo haino - [...] unha nula sensibilidade polas xustas reivindicacións da cidadanía galega que o pasado domingo manifestouse polas rúas de Compostela. Afirma…
  3. Galiza Non Se Vende » Blog Archive » O resentimento de Touriño - [...] pregonaba o goberno de Touriño. Tal e como se explicaba no comunicado lido ao remate da manifestación que GNSV…
  4. Colectivo Fusquenlla » O resentimento de Touriño - [...] pregonaba o goberno de Touriño. Tal e como se explicaba no comunicado lido ao remate da manifestación que GNSV…

Deixe un comentario

O teu enderezo electrónico non se publicará Os campos obrigatorios están marcados con *