Galiza Non Se Vende

Testing O Courel: grande festa da biodiversidade no 6 de setembro

Verdegaia, o colectivo S.O.S. Courel e Insectarium Virtual organizan o 6 de setembro unha Xornada Fotográfica Testing no Courel.

Unha xornada de testing consiste en agrupar a un grande número de persoas para que nunha zona establecida tomen o maior número de fotos dixitais. Durante todo o traxecto vanse facendo fotos da flora e a fauna invertebrada (conforman o 80% da biodiversidade). Posteriormente, un grupo formado por máis de 100 expertos categoriza a información, clasifícaa e catalógaa. Mediante esta acción os colectivos organizadores queren reivindicar a protección efectiva dunha das zonas con maior biodiversidade de Europa, gravemente ameazada polo desleixo da administración e a voracidade das empresas mineiras. Ler o resto desta entrada »

Contestación ás declaracións de Jacinto Parga, presidente de Portos de Galiza repecto aos ecoloxistas: “hay que cambiar la cultura folclórica de la reivindicación sin argumentos”

O colectivo de veciños e veciñas Bouzas-móvete fixo 50 alegacións ao Plano Director de Instalacións Nautico Deportivas, tamén se fixeron alegacións desde outros colectivos ambientalistas e sociais da Ría de Vigo, desde outras zonas do litoral galego e desde a rede “Galiza Non Se Vende”

Todas estas alegacións son muitísimos argumentos en contra do Plano Director que pretende ceder o litoral galego aos intereses especulativos dos grandes grupos económicos e especulativos.

 Resulta coherente que utilice a palabra folclórica de xeito despectivo, unha persoa que pretende destruir a identidade colectiva das vilas mariñeiras, o noso patrimonio marítimo e a nosa paisaxe formigonando o litoral. Ler o resto desta entrada »

A RÍA NON SE VENDE DENUNCIA AO PORTO POR VERTIDOS

A rede de colectivos A Ría Non Se Vende vimos de denunciar diante do Xulgado de guarda:

1- que o Porto de Vigo estivo, até agora, vertendo impunemente ao mar as aguas residuais que se xeneran nos peiraos do Berbés porque carecen de conexión coa rede xeral.

Agora din que van fazer esa conexión coa rede e envialas até a estación depuradora do lagares para o seu tratamento. O que dito de outro modo é botarlas no medio da ría que se nota menos, xa que esta depuradora verte á Ría cada segundo 900 litros de agua sen tratar. O seu funcionamento é un desastre e a macrodepuradora que pensan construir no mesmo sitio tampouco vai funcionar porque non está proxectado realizar separación das aguas residuais, das pluviais e das industriais. Ao non separar os tres tipos de aguas os vertidos industriais impedirian que se realice o tratamento dos residuos e cando chovera muito saturaríase polas pluviais. Ler o resto desta entrada »

Un río que agoniza

Unha nova concentración tivo lugar o pasado sábado, 9 de agosto, en Ombre (Pontedeume) pola Sociedade de Pescadores de Caaveiro. A negativa da Consellería de Medio Ambiente ás demandas de peche do couto efectuadas polos pescadores e a súa inoperancia ante os graves problemas de contaminación que aqueixan ao Eume, que están a provocar a morte de numerosos reos, atópanse na orixe desta protesta. Ler o resto desta entrada »

Incendio dun depósito de gas en Toronto

Unha nova que non nos queda lonxe se pensamos na planta de gas que Reganosa instalou na ría de Ferrol e cunha capacidade moi superior á de Toronto. Por causas que aínda se descoñecen tivo lugar unha explosión nuns depósitos de propano instalados nun barrio da cidade de Toronto. Ata o momento sábese que houbo un morto e que forton desaloxados 12500 residentes na área afectada. Ler o resto desta entrada »

O porto vigués proxecta verter xunto a Sálvora 150.000 toneladas de lodo contaminado

O Parque Nacional das Illas Atlánticas, entre as illas de Ons e Sálvora, é o lugar escollido pola Autoridade Portuaria de Vigo para verter 148.000 toneladas de lodos contaminados procedentes da zona do Berbés, que se dragará para gañar calado.

As dársenas pesqueiras do Berbés son o lugar onde se vertían, ata hai dez anos, cando se estreou a inoperante depuradora do Lagares, todas as augas residuais da cidade e o sitio onde seguen desaugando hoxe todas as empresas instaladas no porto, que aínda, en 2008, carece de conexión coa rede de saneamento. Metais pesados, clorobifenilos, e hidrocarburos completan a mestura contaminante da zona, como revelan diversos estudos sobre a contaminación da ría, que coinciden en considerar este punto como o máis contaminado.

O porto, en cambio, cualificou o material de dragado como Categoría II, de acordo coa clasificación realizada polo Centro de Estudos e Experimentación de Obras Públicas (CEDEX), o que permite vertelo ao mar sen tratamento previo ningún. Ler o resto desta entrada »

O Festival de Poesía do Condado tampouco se vende

Dedica a súa 22ª edición a ‘Galiza non se vende’, unindo de novo poesía e música, proxeccións audiovisuais, recitais e concertos.
O Festival de Poesía do Condado leva máis de dúas décadas disparándolle versos ao ceo, falando da terra, ano a ano dedicando cada unha das súas edicións a afondar nun asunto de actualidade, apoiando “as batallas en favor dos intereses populares e veciñais”. No 2008 a loita é ‘Galiza non se vende‘, a agrupación de colectivos sociais e veciñais organizados para a defensa do medio natural e dos intereses da xente fronte aos abusos das grandes empresas e da administración. Algúns dos colectivos que conforman a asociación participarán o sábado 6 nunha mesa redonda, que se celebrará ao mediodía. Ler o resto desta entrada »

Unha nova ameaza: o superporto Ártabros

Un destacado dirixente socialista, Manuel Cendán, afirmaba hai uns días que o proxecto “Superporto e Refuxio Ártabros” contimuaba a súa tramitación ante os correspondentes Ministerios. O Superporto Ártabros é un proxecto que data de 1991 e conta co patrocinio , entre outros, de Bbva, Ferrovial Agromán, Galp Enerxía, Iberdrola, Inditex Grupo, Sacyr-Vallehermoso (información da páxina http://www.artabros.es). Segundo os autores “Ártabros é un proxecto innovador que expón a construción en Galicia dunha gran área portuaria-loxística-industrial mediante un porto comercial de última xeración, de carácter privado, capaz de dar refuxio a calquera tipo e tamaño de buque”.

A construción deste megaporto efectuariase na ría de Ares, unha das poucas aínda virxes en instalacións industriais e contaminantes. Hai que lembrar que xa existen dous portos nas inmediacións desta ría: o de Ferrol e o de A Coruña. O superporto de Ares tería unha extensión de 6 km. de longo e 2 de ancho e estaría enclavado na entrada da ría de Ares e Betanzos. Ler o resto desta entrada »

GNSV esixe a destitución dos responsables políticos da degradación do territorio

Xa van tres anos dende as últimas eleccións para o Parlamento Galego. O troco político que se produciu en Galiza pareceu, naquel momento, esperanzador. Pero ó transcorrer do tempo, os feitos, as promesas incumpridas, as políticas realmente desenvolvidas polo novo Goberno mostraron, e mostran, que tal cambio non existe, que nunca existiu. Só hai novas persoas repetindo as mesmas políticas de sempre. Cunha diferenza: un sistema económico irracional, depredador e globalizado exerce sobre o noso territorio e sobre a nosa cultura identitaria unha presión máis forte que nunca. Ler o resto desta entrada »

Bandeiras Negras 2008

Ecoloxistas en Acción vén de presentar o seu informe anual Bandeiras Negras 2008. Nel denúnciase a situación do litoral galego en perigo pola excesiva construción, o desenvolvemento industrial descontrolado e unha errónea concepción do progreso.

O informe foi elaborado coa colaboración da rede “Galiza Non Se Vende”, o colectivo local “A Ría Non Se Vende” e a asociación “Verdegaia”. Segundo Ecoloxistas en Acción, actualmente, e froito da nova Lei do Chan, a maior parte dos concellos galegos presentaron ou están en Ler o resto desta entrada »

GNSV pide a retirada do Plan Director das Instalacións Náutico Deportivas de Galiza

A rede Galiza Non Se Vende presentou un conxunto de alegacións ao Plan Director das Instalacións Náutico Deportivas de Galiza. Fundamentándose nunha serie de apreciacións, GNSV solicita que se retire o plano Director de Instalacións Náuticas Deportivas, e se paralice a construción de calquera tipo de instalación náutico deportiva en Galiza.
Que se realice un novo Plan establecendo orden no caos actual, retirando as actuacións ambientalmente nocivas e as que non se axustan á legalidade e orzamentando un plan de recuperación ambiental dos danos ocasionados. Ler o resto desta entrada »

Fadesa, a crise dun sistema

Depredador, irresponsábel e inxusto. Así poderiase definir o modelo que as grandes promotoras inmobilarias implantaron neste país nos últimos anos.

A xa admitida suspensión de pagos de Martinsa-Fadesa é algo máis que un preámbulo da grave crise económica que está por chegar. É sobre todo a constatación do nefasto modelo económico e social que este país optou por desenvolver. Ler o resto desta entrada »

Cultura Si, mausoleo Non

Un comentario da plataforma Cultura si,Mausoleo non a propósito da creación dunha fundación privada para xestionar a Ciudade da Cultura

CONSUMASE A ENTREGA DA CIDADE DA CULTURA AO CAPITAL BANCARIO
O MAIOR INVESTIMENTO EN CULTURA DO GOBERNO BIPARTITO VAI SER XESTIONADO BAIXO INTERESES COMERCIAIS E BANCARIOS.
TOURIÑO BALEIRA DE CONTIDO E DE ORZAMENTO Á CONSELLERÍA DE CULTURA, PARA DARLLE TODO O PODER DE INTERVENCIÓN Á BANCA.

O Presidente Touriño co aplauso de Anxela Bugallo ven de efectivizar a fuxida do sector público da xestión da Cidade de Cultura. Ler o resto desta entrada »

A Xunta de Galiza decidida a acabar co Courel

Desobedecendo de xeito temerario a lexislación europea e utilizando fondos comunitarios, a Xunta de Galicia está arrasando o Courel con plantacións piñeiros para destruír a Rede Natura 2000 e aumentar o risco de incendio:

Nos montes da Escrita, no Taro Branco, en Froxán, entre as devesas, ….por toda a Serra Ler o resto desta entrada »

Presentadas as Directrices de Ordenación do Territorio

Un plan que contempla a creación de dúas grandes áreas metropolitanas arredor de Vigo e A Coruña. A metrópole Ártabra configúrase entre Ferrol e A Coruña xunto con outros concellos da contorna. A metrópole das Rías Baixas comprende Vigo e Pontevedra máis outros 22 concellos. Nun segundo nivel aparecen as áreas urbanas de Lugo, Ourense e Santiago. O plan analisa a importancia do transporte e das comunicacións, abogando por un ferrocarril de alta velocidade. Tamén enumera diversos espazos protexidos. Estas directrices serán de aplicación nos planeamentos urbanísticos dos concellos.

Ver aquí as Directrices de Ordenación do Territorio